Votoj për Bayernin, për shkak të Xherdan Shaqirit!

Otmar Hitzfeld

 Trajneri i kombëtares zvicerane, gjermani Otmar Hitzfeld, në një shkrim në “20 minuten” flet për ndeshjen e pritshme për Ligën e kampionëve në mes të dy skuadrave gjermane Bayern dhe Borussia Dortmund.

Duke qenë i lidhur me të dyja klubet, ka luajtur, ka qenë trajner për një kohë të gjatë dhe i ka bërë kampionë të Bundesligës të dyja skuadrat, Hitzfeld ka lidhje emocionale si me Bayernin ashtu dhe me Borussian. Madje me të dytën ai ka filluar karrierën si futbollist. Por, megjithë dilemat e tij, ai në fund vlerëson se për një nuancë “fiton” Bayerni. Dhe shkak për këtë është askush tjetër përveç Xherdan Shaqirit.
Pasi iu bën analizë cilësive të Bayernit dhe Dortmundit, ku radhit pluset e njërit dhe minuset e tjetrit, motivin që është më i fortë te Dortmundi dhe cilësisë, te Bayerni, Hitzfeld thotë: “Për një nuancë jam më shumë në favor të fitores së Bayernit. Në radhë të parë pasi që këtu luan Xherdan Shaqiri, futbollist i kombëtares zvicerane që e drejtoj unë”.