Saturday, December 28, 2013
Murat Jashari: Ulëset e rezervuara, gabim i kushtueshëm
LDK s'do koalicion me PDK-në
Sonte në KTV mund të ndiqni: *** 17:00 KOHA E LAJMEVE *** 17:20 038 *** 18:15 Talk *** 19:00 LAJMET E MBRËMJES *** 19:35 Sporti në KTV *** 20:05 Top Koha Music *** 21:05 Automan *** 21:30 N’rrjet *** 22:25 Dokumentar *** 22:55 Marketing *** 23:00 KOHA E LAJMEVE... Vendimi për fatin e PTK-së shtyhet për të hënën
Turqi, arrestohet edhe pronari i kompanisë Limak&Calik
KTV raporton se gazeta turke Hurriyet ka parë aktakuzën sipas së cilës Özdemir dhe disa biznesmenë të tjerë akuzohen për “krijimin e një organizate kriminale”, për mitë, mashtrim, falsifikim të dokumenteve zyrtare, kërcënime dhe përvetësimin e aseteve të fituara me aktivitete kriminale.
Në mesin e 41 personave të arrestuar në rastin e dytë të korrupsionit, përveç Özdemir janë edhe biznismeni saudit Yasin al-Qadi, i akuzuar më parë për financimin e terrorizmit si dhe pronari i kompanisë së furnizimeve. Özdemir me Limak sapo ka fituar tenderin për ndërtimin e aeroportit të tretë të Stambollit.
Para 3 muajsh, ai bashkë me kryeminstrat Erdogan, Thaci dhe Rama përuruan terminalin e ri të Aeroportit të Prishtinës “Adem Jashari”.
Mjekët po ikin nga Kosova
Kuadri specialistik mjekësor po vazhdon të largohet nga Kosova, për të kërkuar punë dhe kushte më të mira në vende të ndryshme të botës. Pagat e mjekëve specialistë janë rreth 500 euro, derisa infermierët për punën e tyre paguhen rreth 300 euro në muaj në sektorin publik, bëjnë të ditur zyrtarë për informim në Qendrën Klinike Universitare.
Këtë vit 299 specialistë janë punësuar në institucione shëndetësore, derisa 35 të tjerë janë në proces të rekrutimit. Zyrtarë në Ministrinë e Shëndetësisë thonë se në listat e pritjes për punësim janë rreth 50 specialistë.Me kushtet e punës dhe me pagesë nuk janë pajtuar shumë mjekë specialistë, duke kërkuar punë në vende të ndryshme të Evropës e më gjerë.
Haxhi Avdyli, neurokirurg në Qendrën Klinike Universitare të Kosovës, thotë për Radion Evropa e Lirë se ikja e mjekëve jashtë vendit, është fenomen që ndodh në Kosovë, dhe kjo ka arritur shifrën prej qindra mjekë.
“Kjo është një humbje për shoqërinë, sepse për të ngritur një mjek(profesionalisht), kërkohet investim i madh i shoqërisë, por edhe i familjes. Edhe pse këta mjekë kanë shkuar jashtë vendit dhe po e prezantojnë mirë Kosovën, kjo paraqet një humbje të madhe për Kosovën në aspektin e kapitalit mendor”.
“Për këtë dukuri duhet të ndërmerren masa të ndryshme, në mënyrë që të zvogëlohet numri dhe të krijohen mundësi të kthehet truri i Kosovës, pasi që ata që kryejnë specializimet edhe të aftësohen për punë. Por, kjo bëhet me një politikë shtetërore të qartë dhe me një përkrahje materiale, në mënyrë që mjekët të kontribuojnë në mjekësinë moderne në Kosovë”, thotë Avdyli.
Zyrtarë në Ministrinë e Shëndetësisë thonë se trendi i ikjes së mjekëve nga një vend në tjetrin është fenomen që ndodh në gjithë botën, derisa shtojnë se viti 2013 ka qenë vit kur 299 specialistë, të cilët kanë qenë të papunë, janë punësuar.
Faik Hoti, drejtor i Departamentit për informim në Ministrinë e Shëndetësisë shpjegon:
“Fenomeni i ikjes së mjekëve jashtë vendit, ka qenë më i shprehur vitet paraprake dhe Ministria e Shëndetësisë, duke e parë këtë fenomen, është përqendruar më shumë në këtë çështje gjatë këtij viti. Si rezultat, 299 specialistë janë punësuar, derisa 35 të tjerë janë në proces të rekrutimit”.
“Ministria ka arritur që, përmes politikave të veta, ta zbusë këtë problem dhe në listat e pritjes janë për punësim rreth 50 specialistë. Shumë nga ta janë mjekë specialistë që specializimin e kanë mbaruar rreth 6 muaj më parë”.
Hoti tregon se Ministria e Shëndetësisë ka ndërmarrë masa që të bëjë parandalimin e ikjes së mantelbardhëve nga Kosova duke kthyer një numër specializantësh në skemën e financimit.
“Që të krijohen kushte më të mira për mantelbardhët gjatë këtij viti, 266 specializantë i ka kthyer në skemën e financimit apo të mbështetjes financiare. Dhe, e gjithë kjo po bëhet në mënyrë që Kosova të mos e ndiejë mungesën e profesionistëve”.
“Trendi i profesionistëve nga një vend në tjetrin, është i shprehur gjithkund nëpër botë, dhe për Kosovën nëse ka arritur që ky trend të parandalohet, atëherë mund të them që ka qenë viti 2013”, thekson Hoti.
E, Haxhi Avdyli përmend arsyet e ikjes së mjekëve jashtë vendit.
”Ikja e mjekëve ndodh për dy shkaqe, për paperspektivë materiale dhe profesionale. Shumë të rinj e shohin të udhës të ikin, sepse nuk arrijnë të profesionalizohen ashtu siç ata dëshirojnë. Ata e dinë që në vendet perëndimore mund të arrijnë majat në aspektin e përgatitjes profesionale, por edhe materiale, sepse në vendet perëndimore fitimi është shumë më i madh si mjek”, potencon Avdyli.
Sidoqoftë, vetë ministri i Shëndetësisë, Ferid Agani, ka deklaruar se me gjithë vështirësitë financiare, në vitin 2014 asnjë specialist nuk do të mbetet i papunë, pavarësisht limiteve serioze buxhetore, si nga ana e Qeverisë së Kosovës, po ashtu edhe nga ana e Fondit Monetar Ndërkombëtar
Thaçi viziton familjen e heroit Enver Zymberi
Kryeministri i Kosovës, Hashim Thaçi ka vizituar sot familjen e heroit të ndjerë, Enver Zymberi, policit të rënë në krye të detyrës në aksionin e 25 korrikut 2011.
“Sot vizitova familjen e Heroit të Kosovës, Enver Zymberi, policit të rënë në krye të detyrës në aksionin e 25 korrikut 2011.25 Korriku 2011 shënon ditën e bashkimit të territorit të Republikës së Kosovës. Dhembjen edhe krenarinë me familjen Zymberi do ta ndajmë gjithmonë. Sakrifica e heroit Enver Zymberit bëri që sot në Kosovë të funksionojë rendi kushtetues, në tërë territorin e Kosovës. Qoftë i përjetshëm kujtimi për Heroin e Kosovës, Enver Zymberi!”, ka shkruar Thaçi në Facebook.Sipas fotografisë së postuar, kryeministrin Thaçi gjatë vizitës në familjen Zymberi, e kanë shoqëruar edhe ministri i Punëve të Brendshme, Bajram Rexhepi dhe drejtori i Përgjithshëm i Policisë së Kosovës, Shpend Maxhuni.
Zbogar: Për ulëset e rezervuara vendosin institucionet e Kosovës
Shefi i Zyrës së BE-së në Kosovë, Samuel Zbogar ka thënë se Kosova ende nuk i ka ndërtuar kapacitetet e plota që të jetë krejtësisht pa mbështetjen e EULEX-it në fushën e drejtësisë dhe të sundimit të ligjit. Sipas tij, ndonëse Kosova ndodhet në pozita të sigurta në rrugën e saj për në BE, duhet ta shtojë edhe më shumë përkushtimin në respektim të ligjit. Ai tha se për vendet e rezervuara për pakicat në Kuvend do të vendosin institucionet e Kosovës.
Vitin 2013 Zbogar e ka vlerësuar si një vit i mirë për Kosovën dhe marrëdhëniet e saj me Bashkimin Evropian.“Filluam vitin me Studimin e Fizibilitetit dhe më vonë vendet anëtare mbështetën fillimin e negociatave për MSA. Filluam negociatat në nëntor dhe tani ato pa vazhdojnë. Kemi shënuar progres në fushën e liberalizmit të vizave dhe mendoj se po shkojmë mirë drejt qëllimit final. Kosova pati zgjedhje të mira lokale dhe me këtë e dëshmoi ka vullnet dhe aftësi për të organizuar zgjedhje të mira. Po ashtu ka pasur progres në dialogun Kosovë - Serbi. Mendoj se po shohim zbatimin e dialogut, rezultatet e saj. Mendoj që krejt në fund, Kosova mund t’i gëzohet trendit të zhvillimeve”, ka thënë Zbogar, në një intervistë për Radio Kosovën.
Lidhur me çështjen funksionimit të sistemit gjyqësor në veri, Zbogar ka thënë se “çdo gjë të funksionojë sipas ligjeve të Kosovës, brenda sistemit të Kosovës”.
Pavarëssisht deklaratave të liderëve të komunave në veri se nuk do t’i njohin institucionet e Kosovës, ai ka thënë se është optimist për të ardhmen ,” natyrisht që do të ketë disa pengesa, por vlerësoj që ne po ecim para”.
Duke folur për çështjen e ulëseve të rezervuara në Kuvend, Zbogar ka thënë se kjo është kompetencë e institucioneve kosovare.
“Duhet të behët dallim midis ulëseve të garantuara, të cilat do të vazhdojnë të jenë aty, dhe ulëseve të rezervuara, të cilat kishin një afat kohor, për dy mandate. Por, të kujtojmë se pse këto ulëse janë bërë! Ato janë propozuar nga Ahtisaari për të ndihmuar integrimin e serbëve. Kanë funksionuar mirë për serbët në pjesën jugore të Kosovës. E tani dikush mund të thotë që serbët e veriut nuk janë integruar në Kosovë, ata sapo kanë filluar dhe ndoshta është mirë që të vazhdohet me këto ulëse, në mënyrë që edhe serbët e veriut të ndihen të mirëseardhur. Personalisht mendoj që zgjatja e mandatit do të jetë një shenjë e mirëseardhjes së serbëve të veriut dhe kjo do të ndikojë që procesi i integrimit të jetë më i lehtë. Natyrisht ky është vendim i Kosovës, por besojmë se pala kosovare do të reflektojë mbi këto argumente”, tha ai.
Lidhur me mandatin e EULEX-it në Kosovë, Zbogar thotë se vendet anëtare të BE-së kanë filluar diskutimin për mandatin e EULEX-it, “ne kemi biseduar edhe me Qeverinë dhe e dimë cili është disponimi i vendit”
“Kosova dëshiron të këtë më shumë kompetenca në këtë proces dhe do t’i kemi parasysh këto gjëra gjatë bisedimeve për mandatin e EULEX-it. Por, ajo që mendoj është se ne duhet të pyesim: Cilat janë problemet me sundimin e ligjit në Kosovë, cila është mënyra më e mirë për ta ndihmuar Kosovën në këtë drejtim? Ka shumë gjasë që mund t’i bëjmë me projektet tona, apo bashkëpunimet tona dhe planifikojmë ta rrisim edhe më shumë këtë bashkëpunim në të ardhmen. Pastaj duhet të fillojmë të pyesim se a na nevojitet EULEX-i në të ardhmen, dhe ku janë ato fusha në të cilat Kosova mund të marr përgjegjësit? Ne jemi këtu vetëm për ta ndihmuar Kosovën, ta vendosim sundimin e ligjit, dhe ky është qëllimi i BE-së”.
Zbogar pret që para zgjedhjeve nacionale të kryhet reforma zgjedhore në Kosovë.
Ai i ka porositur qytetarët e Kosovës që në vitin 2014 të bëhen po aq aktivë dhe determinues sa kanëi qenë gjatë zgjedhjeve të fundit.“Institucioneve do t’u them të njëjtën gjë, sepse ato janë aty për qytetarët dhe ata do t’ju vlerësojnë, sidomos vitin tjetër kur do t’i kemi zgjedhjet e ardhshme! Në përgjithësi, do t’ju thosha kosovarëve që të kenë më shumë vetëbesim dhe më shumë pozitivitet drejt së ardhmes, sepse kohërat më të rënda janë pas Kosovës. Nëse qytetarët e Kosovës, mendoj edhe serbët, do të bashkohen, sepse ju e keni fatin për të jetuar njëri me tjetrin, jeni të varur, dhe vetëm së bashku mund të ecni përpara. Duke pasur këtë në mend, ju duhet të reflektoni mbi dialogun dhe të ndërtoni një shtet funksional, si shumicë shqiptare, por duke bërë që edhe serbët të ndihen mirë në Kosovë. Mendoj që viti 2014 është vit i rëndësishëm në këtë reflektim, sepse integrimi i veriut dhe normalizimi i marrëdhënieve Kosovë-Serbi, do ta shndërroj Kosovën në një shtet pakthyeshëm. Ju dëshiroj kosovarëve të gjitha të mirat për Viti të Ri, shumë suksese dhe vazhdim të mirë të marrëdhënieve të mira që i kemi ndërtuar me Bashkimin Evropian!”, ka thënë Zbogar
.
Friday, December 27, 2013
Isa Mustafa mbetet kryetar i LDK-së, reformimi vazhdon
Lidhja Demokratike e Kosovës, sot, ka mbajtur mbledhjen e radhës, në të cilën ka vijuar analizën e nisur të rezultatit të zgjedhjeve, ka diskutuar për çështjen e punës së mëtejme në terren dhe, po ashtu, ka debatuar për procesin e reformës zgjedhore.
Kryesia edhe një herë e ka vlerësuar rezultatin e zgjedhjeve si rezultat të fitores së LDK-së, rezultat i cili e ka kthyer LDK-në si parti të parë në Republikën e Kosovës, thuhet në kumtesën e LDK-së.Kryesia është pajtuar që së bashku me strukturat e degëve në javët në vijim të punojë edhe më shumë në terren, me qëllim të përgatitjes sa më të mirë për zgjedhjet e përgjithshme, të cilat janë përpara.
Kryesia ka debatuar edhe për procesin e reformës zgjedhore dhe ka konkluduar se procesi duhet të vijojë po u hapur çështjet që kanë të bëjnë me Kushtetutën e Republikës së Kosovës.
“LDK-ja do të angazhohet fuqimisht për reforma, për të gjitha çështjet që kanë të bëjnë me këtë proces, por e sheh të panevojshme dhe të padobishme hapjen e çështjeve kushtetuese. Kryesia i ka dhënë mbështetje të plotë Kryetarit të LDK-së, Isa Mustafa, që të vijojë punën për reformimin e mëtejmë të partisë dhe përgatitjet për zgjedhjet e përgjithshme”, thuhet në komunikatë.
Për të burgosurit politik, 55 milionë euro
“Janë njerëz që kanë sakrifikua për idealin për liri dhe pavarësi të Kosovës, është bërë një angazhim nga komisioni enkas i punuar për këtë çështje dhe dikasterët tjerë qeveritar. Falënderoj deputetin Hyseni për këtë punë të cilin e kemi edhe sot prezent Kuçin, dhe të gjithë që kanë punuar bashkë për të burgosurit politik dhe jemi zotuar si Qeveri dhe sot po realizojmë këtë objektivë kompensimi do të jetë 16 euro e 70 cent për një ditë, shuma që do të jetë 55 milionë do të paguhet për 5 vite për 2000 ish të burgosurve politik. Obligohet komisioni përkatës dhe Ministria e Financave që të realizojnë këtë vendim pas këtij vendimi që do ta marrim sot na mbetet për të punuar për rregullimin përfundimtar të çështjes së veteranëve të luftës dhe të burgosurve padrejtësisht, të luftëtarëve të UÇK-së, dhe familjeve të tyre”, ka thënë Thaçi, raporton KP.
Gjatë mbledhjes është miratuar edhe Plani i Veprimit për Negocimin e Marrëveshjes për Stabilizim Asocim për vitin 2014.
Thaçi sërish falënderon deputetët për votimin e buxhetit
Kryeministri i Kosovës, Hashim Thaçi të premten në mbledhjen e Qeverisë së Kosovës falënderoi deputetët për debatin, siç tha konstruktiv, por edhe për votimin e buxhetit për vitin 2014.
Ai me këtë rast falënderoi deputetët për besimin dhe votimin.Falënderoj gjithë spektrin e koalicionit qeverisë, por edhe spektrin politik opozitar.
“Ky buxhet i vitit 2014 do të jetë buxheti i zhvillimit ekonomik, i reformave demokratike, i rritjes së mirëqenies sociale i qytetarëve, i mundësisë për krijimin e vendeve të reja të punës, i fillimi dhe përfundimit të shumë projekteve infrastrukturore dhe i mundësive tjera për shtetin tonë dhe qytetarët tanë, theksoi kryeministri Thaçi në mbledhjen e sotme të kabinetit Qeveritar”, theksoi Thaç
Grabovci: Privatizimin e PTK-së po e bllokojnë matrapazët
Matrapazë. Kështu i quan shefi i Grupit parlamentar të PDK-së, Adem Grabovci opozitën dhe menaxhmentin e PTK-së, të cilët sipas tij po bllokojnë procesin e privatizimit të saj.
Megjithëse data 30 dhjetor është e fundit për këtë proces, Grabovci thotë se nuk do të kërkon seancë të Kuvendit para kësaj date.Në një konferencë të fundvitit, Grabovci tha se i ka 33 deputetë në Kuvend. Premton që do angazhohen që në vitin 2014 të punojnë për zhvillimin ekonomik dhe mirëqenien e qytetarëve.
Megjithëse partia e tij udhëheq me vendin dhe dërgon ligjet në Kuvend, ai thotë se nuk ka zhvillim ekonomik dhe mirëqenie të qytetarëve.
“Shpresojë që viti i ardhshëm do të jetë një vit që do të futen në zhvillimin ekonomik, zgjedhjen e shumë probleme sociale me të cilat po përballet vendi ynë dhe qytetarët e saj, për t’i përballuar këto ne jemi shumë të vetëdijshëm që duhet të kemi një mbështetje e institucioneve ndërkombëtare financiare. Kemi një vendim të rëndësishëm këtë vit për ngritje pagash e që është përkrahur edhe nga Fondi Monetar Ndërkombëtar, dhe kjo është e mirë duke pasur parasysh të ardhurat e ulta të qytetarëve të vendit”, tha ai, raporton KP.
Kur foli për PTK-në u pa më i nervozuar. I quajti matrapazë ata që po e bllokojnë procesion dhe shprehet tejet i sigurt se dështimi i privatizimit të saj do ta dëmtoj ekonominë e vendit me qindra milionë euro.
Presidentja s’fal për Vit të Ri
“Presidentja e Republikës së Kosovës që prej dy vitesh ka vendosur praktikën e faljes në Ditën e Pavarësisë së Kosovës, më 17 shkurt. Kjo praktikë do të të zbatohet edhe në vitin 2014, pasi të jenë kryer të gjitha procedurat e parapara edhe me ligj edhe me akte të tjera nënligjore që e rregullojnë institutin e faljes, si një e drejtë ekskluzive e Presidentit të Republikës së Kosovës”, tha Arbër Vllahiu, këshilltar për media i presidentes Jahjaga, shkruan Tribuna.
Si duket edhe të burgosurit tash janë mësuar me këtë traditë të Presidentes. Shemsi Hajrizi, ushtrues detyre i drejtorit të Shërbimit Korrektues të Kosovës thotë se nuk kanë kërkuar që të përpilojnë ndonjë listë për këtë qëllim pasi Presidentja Jahjaga nuk ka shpallur ndonjë dekret për falje.
Ahmeti në autobus duke shkuar në punë
Ndryshe, sot është dita e parë e punës si kryetar i ri Prishtinës.
Mandatet, veç edhe një herë!?
Kryetari i Partisë Demokratike Turke të Kosovës (KDTP), Mahir Jagxhillar, ka thënë se minoritetet të paktën edhe për një mandat duhet t'i kenë ulëset e rezervuara në Kuvendin e Kosovës.
"Kërkesa jonë është që ulëset të jenë të rezervuara edhe për dy mandate, por mendojmë se duhet të vazhdohet edhe për një mandat, për faktin se mandati i parë nuk ka qenë i plot", ka thënë Jagxhillar.Ai ka vlerësuar se një kërkesë e tillë nuk është e tepërt, pasi vazhdimi i ulëseve të rezervuara do të jetë në të mirë të shtetit të Kosovës.
"Mendojmë se me përfshirjen sa më të madhe të deputetëve të minoriteteve do të bëhet integrimi dhe përfaqësimi i të gjithëve komuniteteve në Kuvendin e Kosovës", ka thënë ai.
Kryetarët “me duar të lidhura”
Shpend Ahmeti, Lutfi Haziri, Gazmend Muhaxheri e Idriz Vehapi, janë disa nga kryetarët e Komunave të Kosovës që nuk i kanë numrat e nevojshëm në asambletë lokale.
Premtimet e këtyre kryetarëve në zgjedhjet e fundit për planin zhvillimor, rregulloren e punës, rregulloren e Kuvendit, partneritetet publiko-private, koncesionimet, nuk do të mund të kalojnë pa shumicën e votave në asamble.Kështu që shumë premtime parazgjedhore, pa marrëveshje të koalicionit, nuk do të jenë të realizueshme.
Me një situatë të tillë do përballet edhe kryetari i ri i Komunës së Prishtinës, Shpend Ahmeti, i cili ka bërë betimin të enjten. Partia e këtij të fundit, Lëvizja Vetëvendosje, ka siguruar vetëm 10 ulëse në asamblenë e Prishtinës, krahas 26 sosh sa janë të nevojshme që ta bëj shumicën.
Ahmeti megjithatë ka thënë se nuk pranon të bëj pazare me partitë tjera politike për të siguruar numrat e mjaftueshëm në Kuvendin Komunal. Ai ka kërkuar vetëm bashkëpunim me subjektet tjera politike, siç ka thënë, për ta çuar programin e tij përpara.
Erzen Vraniqi nga VV ka deklaruar për Zëri se të gjitha projektet për Prishtinën që i ka kryetari i saj, Shpend Ahmeti, do t’i diskutojë publikisht me qytetarët, ku do ta merr miratimin e tyre paraprakisht.
“Ato projekte pastaj do t’i paraqes para Kuvendit komunal dhe besojmë fuqishëm që asamblistët do t’i miratojnë, duke e pasur parasysh se qytetaret janë pro atyre projekteve”, ka thënë Vraniqi.
As Lutfi Haziri, i cili ditë më parë e ka marrë “timonin” e Komunës së Gjilanit, nuk ka arritur marrëveshje koalicioni me subjektet tjera politike, të cilat kanë fituar ulëse në asamble.
Në anën tjetër, Besnik Tahiri, ekspert për vetëqeverisje lokale, i cili në zgjedhjet lokale të 3 nëntorit ka garuar si kandidat i koalicionit AAK-LDD për Prishtinën duke mos arritur të shkoj në balotazh, thotë se asamblistët kanë një rol të madh në kuvendet komunale që ta korrigjojnë fuqishëm qeverisjen lokale.
Sipas tij, secili kryetar që dëshiron ta ndryshojë statutin e Komunës, ku përcaktohet funksionimi i komunës dhe përcaktohen numrat e drejtorive, u duhen dy të tretat e këshilltarëve në Kuvend.
“Secili kryetar që dëshiron të punojë me platformë dhe program të vetin dhe dëshiron ta amendamentojë planin zhvillimor komunal, rregulloren e punës, rregulloren e Kuvendit, e ka të nevojshme ta ketë shumicën që ta votojnë një element të tillë”, ka pohuar Tahiri. “Nuk mund të koncesionohet diçka, apo nuk mund të jepet një pronë e Komunës me vendim ekzekutiv, për shkak se ai kryetar do të përfundojë në gjykatë njëjtë sikur kryetari i Prizrenit Ramadan Muja”.
Sfidat e para të një kryetari, i cili nuk i ka numrat e nevojshëm në Kuvend, do të jenë po këta numra, sepse i duhen për miratim të dokumenteve strategjike, planit zhvillimor
Qeveria sot vendos për PTK-në
Komisioni Qeveritar për Privatizim ka diskutuar çështjen e PTK-së të enjten, ndërsa vendimin final pritet ta marrë sot. (Më gjerësisht lexoni sot në Koha Ditore)
Ramushi ia “pa sherrin” Blerimit!
“Në çështjet nacionale kemi qenë bashkëpunues dhe do të jemi bashkëpunues, sepse nuk mund të jemi indiferentë ndaj proceseve në Kosovë dhe kjo në njëfarë forme i është përshkruar Aleancës si përafri me Qeverinë dhe normalisht që ka kushtuar edhe me votë”, ka deklaruar Isufi, shkruan Zëri.
Ai më tej ka shtuar se partia e Haradinajt nuk e ka shqyrtuar pozicionin e saj në dialog, megjithatë, sipas tij, AAK gjithmonë do të kontribuojë në çështjet e rëndësishme për vendin.
“Nuk e kemi shqyrtuar pozicion tonë ndaj bisedimeve, por mund të them se për çështje nacionale ne do të jemi konstruktiv dhe nuk mund të tërhiqemi nga ato që janë vendime të mëdha të vendit”, ka përfunduar ai
Thursday, December 26, 2013
Asistentët e shkarkuar i ankohen Rektoratit
E konsiderojnë të padrejtë shkarkimin e tyre. Në një letër që ia kanë dërguar Rektoratit, asistentët e shkarkuar nga Rektorati i UP-së thotë se “se u është prekur identiteti personal”.
“Ne asistentët e angazhuar në degën e Infermierisë dhe Mamive të FM-së, ndjehemi shumë të indinjuar lidhur me lajmin për ndërprerjen e nënshkrimit të kontratave nga Rektorati, ende pa u kontaktuar si asistent”, thuhet në letrën drejtuar mediave, duke shtuar se janë angazhuar në bazë të konkursit intern, “të rregullt, i cili ka qenë publik”.Sipas tyre, përzgjedhja ishte në përputhje me rregullat në fuqi dhe se për angazhimin e tyre mund të dëshmojnë profesorët.
“Ne jemi të interesuar të luftojmë parregullsitë në UP, por ne nuk jemi adresa e duhur për zgjidhjen e tyre, luftimin e krimit dhe korrupsionit në Fakultetin e Mjekësisë dhe në UP”, kanë shkruar ata, duke e hedhur poshtë edhe arsyetimin se i kanë përfunduar studimet në Universitetin “Kristal” dhe duke thënë se studimet themelore baçelor i kanë kryer në fakultete të licencuara
A po i bën Qeveria presion EULEX-it?
Politikanë dhe analistë kosovarë, përplasjet në mes të qeverisë së Kosovës dhe Misionit Evropian për Sundimin e Ligjit (EULEX), dhe tentativat e ekzekutivit kosovar për largimin e EULEX-it nga Kosova, i vlerësojnë në mënyra të ndryshme. Përderisa analisti Avni Zogiani thotë se ekzekutivi kosovar po i bën presion EULEX-it dhe nuk po kërkon largimin e tij nga Kosova, deputeti i Partisë Demokratike të Kosovës, Halit Krasniqi, mendon se EULEX-i po merret me tepër me çlirimtarët sesa me kriminelët.
Krasniqi, në një prononcim për Telegrafin, theksoi se EULEX-i, me arrestimin dhe denigrimin e ish pjesëtarëve të Ushtrisë Çlirimtare të Kosovës (UÇK), po e humb respektin dhe besimin në mesin e qytetarëve të Kosovës.Sipas tij, kjo po ndodh për shkak se Misioni Evropian për Sundimin e Ligjit po lajthitet nga obligimet me të cilat është ngarkuar që t’i kryej ai në Kosovë.
“Sa i përket, ish pjesëtarëve të UÇK-së, ky mision po i dërgon në prokurori, shpesh herë pa arsye, duke mos e bërë të njëjtën edhe ndaj atyre që kanë kryer krime ndaj civilëve të pafajshëm në Kosovë - ndaj kriminelëve serbë”, ka thënë Krasniqi.
Ndërsa, Zogiani, nga organizata Çohu, në një prononcim për Telegrafin theksoi se përplasjet në mes EULEX-it dhe qeverisë së Kosovës, po bëhen qëllimisht nga ana e kësaj të fundit. Ai tha se ekzekutivi kosovar nuk po tenton që ta largojë EULEX-in nga Kosova, por që t’i bëj presion atij që të mbes sa më gjatë këtu.Qeveria e Kosovës është e vetëdijshme se në rast se EULEX-i do të largohej nga Kosova, atëherë nuk do të kishin te kush ta hidhnin fajin për veprimet e serbëve në veri të Kosovës, siç kanë bërë deri më tani”, ka thënë ai për Telegrafin. Qeveria e Republikës së Kosovës deklarohet se po bën përpjekje që prej qershorit të vitit të ardhshëm, t’ia heq kompetencat ekzekutive EULEX-it, ndërsa kjo po i shqetëson zyrtarët e BE-së. Rezoluta e Kuvendit të Kosovës për përfundimin e këtij misioni dhe deklaratat e kryeministrit Hashim Thaçi, por edhe zyrtarëve tjerë të Qeverisë, sa herë që ka ndonjë ndjekje të EULEX-it për krime lufte, po vlerësohen si përpjekje të drejtpërdrejta të Qeverisë së Kosovës për ta hequr këtë mision.
Kundër duhanpirjes, 44 fletëparaqitje në gjykatë
Zbatimi i deritanishëm i Ligjit për Kontrollin e Duhanit ka paraqitur një sukses. Ky paraqet një ndryshim të qartë në kulturën qytetare dhe një shkallë të lartë të përgjegjësisë individuale.
Kështu ka deklaruar ministri i Shëndetësisë, Ferid Agani, pas takimit të tretë të Këshillit Ndërministror për Kontrollin e Duhanit.Agani, ka thënë se përkundër pritjeve që ky ligj do të shkelet gjatë muajve të dimrit, ende nuk kanë hasur në shkelje masovike.
“Përkundër pritjeve se ky ligj do të shkelet gjatë muajve të dimrit, të kemi një shkelje më masovike të këtij ligji, kjo nuk ka ndodh. Ndonëse kemi shkelës të evidentuar, tanimë institucionet e caktuara hoteliere e lokale të caktuara, të cilat në mënyrë të përsëritur sfidojnë institucionet e ligjit organet e rendit, drejtësisë dhe inspektoratet në fjalë, i apeloj të gjithë bartësit e lokaleve hoteliere, zyrtarët përgjegjës në institucionet publike dhe private të respektojnë ligjin”, ka thënë Agani.
Ai ka shtuar se së shpejti do të mbajë takim edhe me kryetarët e komunave në të cilat i kanë identifikuar si zona në të cilat nuk zbatohet ligji, për të kërkuar që t’i fuqizojnë aktivitetet e inspektorëve të atyre komunave.
“Ne shumë shpejt do të kemi takime edhe me kryetarët e komunave, që i kemi identifikuar si zona ku ligji nuk zbatohet me suksesin e pritur dhe unë do të jem edhe pjesë e këtyre vizitave me anëtarët e tjerë të këshillave koordinuese të cilat janë të formuara në 7 regjione të Kosovës, në 7 qendrat më të mëdha urbane të vendit. Ne së bashku do t’i vizitojmë kryetarët e këtyre komunave dhe do të kërkojmë nga ta t’i fuqizojnë aktivitetet e inspektorateve komunale”, ka shtuar Agani.
Kryeinspektorja sanitare, Iliriana Zymberaj, ka shtuar se deri më tani Ligji është duke u zbatuar mirë në krahasim me si ka qenë. Ajo ka thënë se deri më tani i kanë pasur rreth 800 inspektime dhe 44 fletëparaqitje
“Deri më tash janë bërë 44 fletëparaqitje të dërguara në gjykatë, ndërsa gjykata i procedon dënimet më tutje. Për individ deri më tani, nuk kemi pas për shkak se nuk kemi has në individ, më shumë kemi pas probleme me subjektet afariste”, ka thënë Zymberaj.
Sipas kryeinspektorës, inspektimet do të vazhdojnë në Prishtinë dhe në secilin regjion tjetër
Komisioni për persona të zhdukur do të vizitojë Rashkën
Komisioni Qeveritar për Persona të Zhdukur, në kuadër të Zyrës së Kryeministrit të Republikës së Kosovës, përfaqësuesit e Shoqatave Familjare të Personave të Zhdukur dhe Departamentit të Mjekësisë Ligjore, do të vizitojnë lokacionin e varrezës masive në fshatin Rudnicë- Komuna e Rashkës.
Vizita do të realizohet të shtunën, me datë 28 dhjetor 2013, në Rudnicë, rreth orës 11:00, nën organizimin e Komitetit Ndërkombëtar të Kryqit të Kuq, si ndërmjetësues i Grupit Punues për Persona të Zhdukur, në mes të Prishtinës dhe Beogradit.Në njoftim për media bëhet e ditur se nisja e përfaqësuesve të familjeve të personave të zhdukur dhe përfaqësuesve të institucioneve që do të jenë të pranishëm në këtë vizitë, bëhet të shtunën, 28.12.2013, në ora 07:30, nga parkingu i Ndërtesës së Qeverisë (sheshi Nënë Tereza, Prishtinë).
Pikëkalimi kufitar përmes të cilit do të kalojnë përfaqësuesit e familjeve dhe institucioneve, që do të jenë të pranishëm në këtë vizitë, do të jetë Pikë-Kalimi Kufitar Porta 3, në Merdare, rreth orës 08:00.
Kalimi i kufirit bëhet me letërnjoftim të Republikës së Kosovës.
Miliona për negociatorët në Bruksel
Prej fillimit të dialogut politik dhe teknik mes kryeministrave Thaçi dhe Daçiq, zyrtarët vendorë e kanë vizituar dhjetëra herë kryeqendrën evropiane, me ç’rast janë shpenzuar para të majme për aviobileta, hotele ekskluzive dhe mëditje.
Anëtarët e grupeve punuese, bashkë me “mega” stafin e tyre, përveç shpenzimeve të udhëtimit dhe qëndrimit, i kanë marrë edhe nga 100 euro në ditë për t’i mbuluar shpenzimet e ushqimit. Shpenzimet e tilla kanë filluar të ndodhin prej 8 marsit 2011, kur kanë nisur negociatat teknike me Serbinë.
Për këtë vit, Qeveria e Kosovës për të negociuar me Beogradin zyrtar në Bruksel ka ndarë rreth 800 mijë euro, përderisa më 18 maj të vitit 2011, dy muaj pas fillimit të bisedimeve, kishte ndarë 541 mijë euro.
Përkundër insistimit të gazetës “Zëri” që të sigurohen shifra të sakta të shpenzimeve nga fillimi i dialogut nga zyrtarët qeveritarë, një gjë e tillë ka qenë e pamundur, përpos faktit se me dy vendime Qeveria e Kosovës ka ndarë mbi 1.3 milionë euro për këto bisedime.
Ish-drejtori i Doganave të Kosovës, Naim Huruglica, i cili ka qenë pjesë e grupit dialogues për çështjen e menaxhimit të integruar të kufirit në Bruksel ka treguar se në këto takime përveç që janë mbuluar biletat e fluturimit të aeroplanit, nga buxheti i shtetit janë hequr shpenzimet për akomodimit dhe nga 100 euro për shpenzime ditore për secilin person.“Në kuadër të grupit tim punues që kam qenë për Menaxhimin e Integruar të Kufirit, pjesë e ekipit ka qenë edhe drejtori i Policisë Kufitare, kryeshefi i Agjencisë së Ushqimit dhe Veterinës dhe stafi tjetër prej 3 vetash: një nga Zyra e Kryeministrit,një nga Ministria e Punëve të Brendshme dhe një nga Zyra e zëvendëskryeministres Edita Tahiri”, ka thënë ai, duke shtuar se nuk kanë marrë mjete shtesë për pjesëmarrje në takimet e grupeve punuese.
Kuvendi sot shqyrton Buxhetin / shitjen e PTK-së
-----
Në Kuvendin e Kosovës sot shqyrtohet për herë të dytë Projektligji për Buxhetin e Republikës së Kosovës për vitin 2014.
Në kuadër të këtij projektligji, është futur edhe amandamenti për shitjen e 75 për qind të aksioneve të Postës dhe Telekomit të Kosovës.
Lidhja Demokratike të Kosovës dhe Lëvizja Vetëvendosje, që të dyja parti politike në opozitë, e konsiderojnë të jashtëligjshme shitjen e aksioneve të PTK-së në formën se si është vepruar.
Shitja e aksioneve të PTK-së nuk ka marrë mbështetjen e Kuvendit për shkak të kundërshtimeve të opozitës.
Gjatë procesit të privatizimit të 75 për qind të aksioneve të PTK-së, ishte zgjedhur konsorciumi "Axos capital" si ofertuesi më i mirë me ofertën prej 277 milionë euro.
Nënshkrimi i kontratës me këtë kompani ishte shtyrë dy herë, derisa afati i ardhshëm është caktuar për 26 dhjetor.
Nëse Kuvendi e miraton këtë pikë të enjten, gjatë ditës mund të pritet që qeveria të shpallë edhe procedurën e nënshkrimit me kompaninë fituese./rel/
Betohet Shpendi
Fituesi i zgjedhjeve lokale në Prishtinë, Shpend Ahmeti do të zyrtarizohet si kryetar i Komunës së Prishtinës. Ai do ta bëjë betimin para këshilltarëve komunalë, në mbledhjen solemne të Kuvendit të Komunës.
Sipas rregullave të caktuara ligjore, mbledhja do të drejtohet nga anëtari më i vjetër i Kuvendit të Komunës. Më pas do të bëjnë betimin këshilltarët komunalë të përbërjes së re dhe pas kësaj betimin e bën kryetari i zgjedhur i Komunës, Shpend Ahmeti.
Kryetari i ri, Ahmeti, nuk e ka shumicën në Kuvendin e Komunës, por ka refuzuar çfarëdo koalicioni me subjektet e tjera.
Sipas tij, idetë e subjektit dhe të tij do të jenë të mjaftueshme për t’i bindur këshilltarët komunalë që t’i miratojnë projektet e paraqitura
.jpg)
EULEX-i heq dorë nga incidenti Geci-Syla
EULEX-i ka hequr dorë nga hetimet e incidentit në mes të Gani Gecit dhe Azem Sylës, duke ia lënë komplet lëndën Prokurorisë Themelore të Mitrovicës.
Misioni i BE-së e ka mbajtur këtë lëndë nën hetime për plot shtatë javë. Por, të hënën ka vendosur që përfundimisht të heqë dorë prej saj.Kryeprokurori i Mitrovicës, Shyqyri Syla, i ka thënë “Kohës Ditore” se tashmë lënda i është dorëzuar atyre dhe me të është caktuar të merret prokurorja, Vahide Badivuku.
Me 28 tetor të këtij viti Geci dhe Syla janë përfshirë në një incident. Një plumb dyshohet se ishte shkrepur nga ara zyrtar e zëvendësministrit të Zhvillimit Ekonomik, Gani Koci, nga truproja e tij Adnan Koci. Konflikti mendohet se ka nisur pas një problemi të vjetër mes Gecit e Sylës. /Koha Ditore/
Hoxhaj: LDK-ja ta mbajë premtimin për vendet e rezervuara
Ministri i Jashtëm dhe nënkryetari i PDK-së, Enver Hoxhaj, i ka bërë thirrje partisë më të madhe opozitare, LDK-së, që të mbajë premtimin për vazhdimin e vendeve të rezervuara për minoritetet.
“Kur na janë dashur votat e minoriteteve për të përfunduar procesin e pavarësisë së mbikëqyrur, ne bashkë me LDK-në e AAK-në u kemi premtuar, edhe para faktorit ndërkombëtar, se atyre do t’u vazhdohen vendet në Kuvend edhe për një mandat. Tash LDK-ja duhet ta mbajë premtimin e dhënë, dhe të pajtohet për ndryshimet kushtetuese”, ka thënë Hoxhaj në Interaktiv të KTV-së.Ai pohoi se nuk mund të ketë asnjë krizë apo bllokadë nëse ndodh vazhdimi i vendeve të rezervuara edhe për një mandat, ndërsa tregoi se iu gëzua fitores së Shpend Ahmetit në Prishtinë, duke e quajtur Isa Mustafën humbësin e madh të këtyre zgjedhjeve.
Për PDK-në tha se humbja e disa komunave ishte e pritshme, porse partia e tij do të konfirmohet partia e parë edhe në zgjedhjet e ardhshme nacionale! /KTV
Qosja: AAK e PDK humbën nga pasurimi i shpejtë
Akademik Rexhep Qosja thotë se zgjedhjet e fundit lokale në Kosovë nuk ishin revolucionare. Në vazhdimin e intervistës për Gazetën Shqiptare, ai thotë se elektorati në Kosovë nuk sheh ende krejt ç'duhet të shihet në jetën politike kosovare.
“Është një bindje më e përgjithshme se në këto zgjedhje më së keqi kaluan dy partitë e krijuara prej Ushtrisë Çlirimtare të Kosovës. Këto janë Aleanca për Ardhmërinë e Kosovës dhe Partia Demokratike e Kosovës. Ju mund të shtroni pyetjen pse ndodhi kjo? Janë disa arsye, por kryesoret mund të jenë: e para është zyrtarizmi i tyre jodemokratik dhe veçimi prej popullit dhe, e dyta, është pasurimi i shpejtë, shumë i shpejtë i disa zyrtarëve të vegjël e të mëdhenj të këtyre dy partive. Mendja e shëndoshë nuk mund të pajtohet që një, ta themi i varfër i djeshëm, për dhjetë vjet të bëhet milioner i sotëm me pasuri që përmban pallat, firma, dyqane, aksione në firma, pompa benzine, vetura luksoze të djemve e bijave, kursime jashtë Kosovës e të tjera. Të pasuruarit ndoshta nuk mund të marrin me mend se te shumë qytetarë, në mënyrë të veçantë te ata të shtresës së mesme, është krijuar disponim negativ për ta”, thotë Qosja.Ai është shprehet i befasuar se pse nuk fitoi kandidati, që sipas tij është “politikisht dhe kombëtarisht më i merituari për të fituar” - Agim ÇekKy drejtues i Ushtrisë Çlirimtare të Kosovës, Shefi i Shtabit të saj të Përgjithshëm, shumë i autoritetshëm, me prestigj të paluhatshëm, me merita historike për lirinë dhe pavarësinë e Kosovës, që kishte program shumë të mirë, që u paraqit jashtëzakonisht bindshëm në fushatë, humbi sepse partisë së tij, Partisë Demokratike të Kosovës, ka ardhur duke iu zvogëluar elektorati edhe ashtu i paktë në kryeqytetin e Kosovës”. Humbjen e Prishtinës nga Isa Mustafa i LDK-së, Qosja nuk e quan fitore të Lëvizjes Vetëvendosje po të kandidatit të saj, Shpend Ahmetit.
“Nuk e njoh këtë djalë, nuk e kam takuar ndonjëherë, por me sjelljen e tij, me mendimet e tij, me modestinë e tij, në përgjithësi me moralin e tij politik-social, ai lë përshtypje jashtëzakonisht të mira. Në qoftë se do të sillet, do të veprojë dhe do të mendojë siç po paraqitet e po mendon tani, unë do të doja që Kosova të ketë më shumë Shpend Ahmeta dhe më shumë Mimoza Kusara-Lila. Të ketë më shumë Shpenda e Mimoza që edhe në zgjedhjet e herëve të tjera ta lirojnë Kosovën prej atyre të cilët na kanë bindur se në vend se për Kosovën mendojnë për pushtetin e vet dhe leverditë e veta”.
Wednesday, December 25, 2013
Nesër betohet kryetari i Prishtinës, Shpend Ahmeti
Fituesi i zgjedhjeve lokale në kryeqytet, Shpend Ahmeti (VV), nesër do të zyrtarizohet si kryetar i Komunës së Prishtinës. Ai do ta japë betimin para këshilltarëve komunalë, në mbledhjen solemne të Kuvendit të Komunës, e cila do të fillojë në orën 10:00.
Sipas rregullave të caktuara ligjore, mbledhja do të drejtohet nga anëtari më të vjetër i Kuvendit të Komunës. Më pas e japin betimin këshilltarët komunalë të përbërjes së re dhe pas kësaj betimin e jep kryetari i zgjedhur i Komunës, Shpend Ahmeti.Siç transmeton KTV, Ahmeti sot ka përfunduar takimet me përfaqësues të subjekteve politike lokale të përfshira në KK, me përjashtim të përfaqësuesve të LDK-së, të cilët nuk i janë përgjigjur ftesës së tij publike, ditë më parë.
Kryetari i ri, Ahmeti, nuk e ka shumicën në Kuvendin e Komunës, por ka refuzuar çfarëdo koalicioni me subjektet e tjera.
Sipas tij, idetë e subjektit dhe të tij do të jenë të mjaftueshme për t’i bindur këshilltarët komunalë që t’i miratojnë projektet e paraqitura. <!-- Begin BidVertiser code -->
<SCRIPT LANGUAGE="JavaScript1.1" SRC="http://bdv.bidvertiser.com/BidVertiser.dbm?pid=577684%26bid=1444856" type="text/javascript"></SCRIPT>
<noscript><a href="http://www.bidvertiser.com/bdv/BidVertiser/bdv_publisher_toolbar_creator.dbm">custom toolbar</a></noscript>
<!-- End BidVertiser code -->
Zgjatet afati për hyrjen në Kroaci të kosovarëve me viza Schengen
Qeveria e Republikës së Kroacisë ka njoftuar Qeverinë e Republikës së Kosovës për vendimin për zgjatjen e afatit për hyrjen në territorin e Kroacisë, të qytetarëve të Kosovës që posedojnë vizë Schengen.
Sipas këtij vendimi, qytetarëve të Republikës së Kosovës që posedojnë vizë Schengen me dy ose më shumë hyrje si dhe për qytetarët e Kosovës që kanë leje qëndrim në ndonjërin vend të Schengen-it nuk do t’u kërkohet vizë për të hyrë në territorin e Republikës së Kroacisë.Si rezultat i angazhimit të MPJ-së në krye me ministrin e Punëve të Jashtme të Republikës së Kosovës, Enver Hoxhaj, viteve të fundit është fuqizuar bashkëpunimi dhe shkëmbimet e gjithanshme ndërmjet Republikës së Kosovës me Republikën e Kroacisë.
Rexhepi: Procesi i privatizimit të PTK-së, në fazë kritike
Privatizimi i 75 për qind të aksioneve të Postë Telekomit të Kosovës (PTK), që është përfshirë në një amendament të veçantë në projektbuxhetin e vitit 2014, pritet të diskutohet nesër në Kuvendin e Kosovës.
Por, si pasojë e qëndrimeve të kundërta të subjekteve politike në Parlament, ky proces është në një fazë shumë kritike, dhe mund të dështojë tërësisht. Kështu thotë për Radio Kosovën drejtori i Qendrës për Studime Strategjike dhe Sociale (STRAS), Ibrahim Rexhepi.“Procesi i privatizimit të PTK-së është përballë një rreziku që të dështojë apo edhe përballë një shprese që të rifillojë ndoshta me kondita krejt tjera dhe në një ambient tjetër për zhvillimin e procesit të shitjes”, tha ai.
Sipas Rexhepit, dështimi i privatizimit të PTK-së dëshmon paaftësinë e Qeverisë së Kosovës për të udhëhequr projekte të mëdha, dhe përcjell mesazh të keq edhe tek investitorët e huaj. “Qeveria nuk arrin të krijojë konsensus rreth këtyre punëve madhore dhe kjo shumë normale që frikëson investitorët dhe atyre iu përcjell një mesazh se kanë të bëjnë me një qeveri pa ndikim të madh dhe pa vizion, dhe jo aq kreative në udhëheqjen e politikave për të mirën e tyre dhe të Kosovës”, theksoi eksperti Ibrahim Rexhepi.
Ndërkaq ministri i Zhvillimit Ekonomik, Fadil Ismajli, ka thënë një ditë më parë se deri në fund të këtij viti, çështja e PTK-së duhet të përfundojë, qoftë edhe pa sukses. Sipas tij ky proces tani varet nga Kuvendi i Kosovës, vullneti i të cilit duhet të respektohet.
“Unë shpresoj që do të dominojë arsyeja mbi bazën e argumenteve të mjaftueshme se përmbyllja e suksesshme e këtij transaksioni është në interes të Republikës së Kosovës dhe besoj që të enjten Kuvendi do ta trajtojë në këtë formë”, kishte thënë Ismajli.
Data e fundit për nënshkrimin e kontratës për privatizimin e PTK-së, sipas tij, është më 30 dhjetor dhe në rast se kjo nuk arrihet, sipas tij afati nuk mund të shtyhet më tutje.
Ndryshe kundër privatizimit përmes buxhetit të Kosovës tashmë janë shprehur Lidhja Demokratike e Kosovës dhe Vetëvendosja.
Thaçi pret miratimin e buxhetit, se përmend PTK-në
Kryeministri i Kosovës Hashim Thaçi pret që të enjten Kuvendi i Kosovës ta zhvilloj një debat konstruktiv dhe ta miratoj projektligjin e buxhetit për vitin 2014. Kreu i Qeverisë e ka vlerësuar buxhetin e vitit të ardhshëm si buxhet të rritjes së pagave, ashtu siç ka premtuar, por edhe investimet kapitale që janë paraparë të vazhdojnë edhe për vitin tjetër. Por, kryeministri nuk e ka përmendur amendamentin 8 të këtij projektligji, i cili parasheh privatizimin e 75 për qind të aksioneve të PTK-së.
Ai në një shkrim në profilin e tij në rrjetin social Facebook, ka shkruar se Buxheti i vitit 2014 nuk do të duhej të trajtohet si një buxhet i shkëputur vjetor, por më shumë si një buxhet me efekte afatgjata dhe i integruar në Kornizën Afatmesme ekonomike dhe fiskale të Qeverisë.“Buxheti i vitit 2014 është buxhet i zhvillimit dhe reformave, i progresit dhe i krijimit të vendeve të reja të punës. Prandaj nesër, nga të gjitha partitë politike, pres një debat konstruktiv në Parlamentin e Kosovës, për miratimin e buxhetit për vitin 2014”, ka shkruar Thaçi.
Ai ka shtuar se sikurse gjatë viteve të kaluara, edhe për vitin 2014 dhe vitet në vijim, presin të ketë rritje të konsiderueshme të ekonomisë. “Në vitin 2014 norma e rritjes pritet të jetë 4.1%, ndërsa mesatarja për vitet në vijim 4.6%. Këto norma të rritjes janë ndjeshëm më të larta se ato të shteteve fqinje. Kosova kështu vazhdon me rritjen më të lartë ekonomike në Ballkan, përkundër krizës globale financiare dhe ekonomike që ka futur në recesion edhe disa nga fqinjët tanë”, ka shkuar Thaçi.
Me tutje ai ka shtuar se total shpenzimet për vitin 2014 pritet të jenë në nivelin prej 1 miliard e 590 milionë euro, që sipas tij, përfshinë edhe rritjen e pagave të premtuara.
“Shikuar nga këndvështrimi i kategorive ekonomike, buxheti për Paga dhe Mëditje pritet të ketë një rritje të konsiderueshme për të akomoduar rritjen e premtuar të pagave të të gjithë kategorive të shërbyesve civilë. Rritje është planifikuar edhe në kategoritë tjera buxhetore, duke përfshirë edhe Subvencionet dhe Transferet. Sa i përket shpenzimeve kapitale, ato pritet të jenë në vlerë prej 531 milionë euro. Ky buxhet do të mundësojë vazhdimin e investimeve në të gjitha fushat me prioritet - dhe ajo që është shumë e rëndësishme - do vazhdohet me investime në infrastrukturën rrugore, duke përfshirë edhe Autostradën Prishtinë - Shkup si dhe ndërtimin e shumë projekteve tjera të rëndësishme, në mesin e tyre edhe ndërtimin e autorrugëve M2 dhe M9, respektivisht rrugët për Mitrovicë dhe Pejë”, ka shkruar me tutje ai.
Thaçi ka vlerësuar se ashtu si edhe gjatë viteve të kaluara, Buxheti 2014 mbi të gjitha siguron qëndrueshmëri fiskale dhe përmirësim të mirëqenies për të gjithë qytetarët. Ai ka shkruar se Buxheti ka marrë notë të lartë edhe nga institucionet ndërkombëtare financiare.
Me tutje ai ka shtuar se total shpenzimet për vitin 2014 pritet të jenë në nivelin prej 1 miliard e 590 milionë euro, që sipas tij, përfshinë edhe rritjen e pagave të premtuara.
“Shikuar nga këndvështrimi i kategorive ekonomike, buxheti për Paga dhe Mëditje pritet të ketë një rritje të konsiderueshme për të akomoduar rritjen e premtuar të pagave të të gjithë kategorive të shërbyesve civilë. Rritje është planifikuar edhe në kategoritë tjera buxhetore, duke përfshirë edhe Subvencionet dhe Transferet. Sa i përket shpenzimeve kapitale, ato pritet të jenë në vlerë prej 531 milionë euro. Ky buxhet do të mundësojë vazhdimin e investimeve në të gjitha fushat me prioritet - dhe ajo që është shumë e rëndësishme - do vazhdohet me investime në infrastrukturën rrugore, duke përfshirë edhe Autostradën Prishtinë - Shkup si dhe ndërtimin e shumë projekteve tjera të rëndësishme, në mesin e tyre edhe ndërtimin e autorrugëve M2 dhe M9, respektivisht rrugët për Mitrovicë dhe Pejë”, ka shkruar me tutje ai.
Thaçi ka vlerësuar se ashtu si edhe gjatë viteve të kaluara, Buxheti 2014 mbi të gjitha siguron qëndrueshmëri fiskale dhe përmirësim të mirëqenies për të gjithë qytetarët. Ai ka shkruar se Buxheti ka marrë notë të lartë edhe nga institucionet ndërkombëtare financiare. /Telegrafi/
Koalicioni nuk mund të llogaritë në AAK-në për buxhet
Koalicioni Qeverisës nuk do të mund të llogarit në Grupin Parlamentar të Aleancës për Ardhmërinë e Kosovës, në seancën e nesërme kur pritet miratimi i projektligjit për buxhetin e vitit 2014, në të cilin është edhe amendamenti 8 i këtij projektligji që parasheh privatizimin e 75 për qind të aksioneve të PTK-së. Por, udhëheqës të partisë në pushtet, thonë se nesër do të miratohet buxheti me amendamentet që i janë propozuar Kuvendit.
Sekretari i Përgjithshëm i AAK-së Burim Ramadani, tha se është çështje e koalicionit qeverisës ta bëjë kuorumin dhe se nuk mund të llogarisin në Grupin e tyre Parlamentar. “Nëse kanë shumicën ka seancë, nëse nuk e kanë shumicën nuk ka seancë. Nuk mund të llogarisin në grupin tonë. Është çështje e tyre”, tha Ramadani për Kosovapress.Në anën tjetër Shefi i Grupit Parlamentar të PDK-së, Adem Grabovci tha për Kosovapress, se politikat e bojkotit nuk dërgojnë askund dhe se pret që nesër të gjithë deputetët do të jenë në seancë për ta miratuar projektligjin me të rëndësishëm, atë të buxhetit të vitit 2014.
“Politikat e bojkotit nuk janë të shëndetshme për askënd, për asnjë institucion, për atë asnjë subjekt politik, aq më tepër për vendin tonë që është në një proces tepër të ndjeshëm. Prandaj unë besoj se ligjvënësit të gjithë do të jenë se bashku në Kuvend. Ashtu siç kemi zhvilluar një debat shumë konstruktiv, kemi dhënë kontributin gjithsecili grup parlamentar, dhe deputetë propozimet e veta dhe janë aprovuar edhe amendamentet që do t’i paraqiten nesër seancës dhe unë pres që nesër seanca do ta aprovoj buxhetin pa asnjë mëdyshje”, tha Grabovci.
Por, dy partitë tjera opozitare, LDK-ja dhe Vetëvendosja tashmë kanë bërë të qartë se nuk do të marrin pjesë në seancën e nesërme.
Shefi i grupit parlamentar të LDK-së Ismet Beqiri tha se ata nuk do të rrinë në sallë për tu bërë pjesë e legjitimit të një procesi të paligjshëm.
“Ne si LDK edhe një herë po e bëjmë të ditur për opinionin se nëse leximi i dytë për buxhetin për vitin 2014 shqyrtohet me amendamentin 8 për privatizimin e 75 për qind të aksioneve të PTK-së, ne si LDK nuk do të qëndrojmë në sall. Jemi kundër kësaj, është amendament që nuk e ka vendin aty. Është shumë e qartë se është një tentim i kontrabandimit të shitjes së PTK-së dhe ne si LDK e kemi bërë të ditur se nuk do të marrim pjesë në tentimin e legjitimimin e diçkaje që është e paligjshme”, ka thënë Beqiri, para pak ditëve.
Edhe Shefi i Grupit Parlamentar të Vetëvendosjes, Visar Ymeri tha se bojkoti do të jetë njëra prej formave që do t’i përdorin për pengimin e miratimit të buxhetit me amendamentin që parasheh shitjen e PTK-së.
“Vetëvendosje natyrisht se e kundërshton këtë, dhe e kemi bërë të qartë disa herë se do t’i ndërmarrim të gjitha masat brenda sallës që kjo të pengohet, pra të mos votohet. Pra të enjten në diskutimin për ligjin për buxhetin do të marrim masat që ta pengojmë qoftë kuorumin apo votimin e këtij amendamenti apo ligjin me këtë amendament, ka thënë Ymeri ditë me parë.
Mirëpo, nëse nesër Kuvendi nuk merr vendim për privatizimin e PTK-së, atëherë i gjithë procesi do të
“Besoj që deri në fund të këtij viti e kam dhënë edhe më herët këtë mesazh, çështja e PTK-së duhet të mbyllet, nuk do të thotë gjithmonë me përmbyllje të suksesshme të transaksioneve, por gjatë këtij vitit duhet të përfundojë, kjo tani nuk varet nga komiteti qeveritar për privatizim, as nga blerësi, tash është edhe Kuvendi dhe ne jemi të obliguar ta respektojmë vullnetin e sovranit dhe Kuvendit. Shpresojë se do të dominojë arsyeja mbi bazën e dokumenteve të mjaftueshme dhe përmbyllja e suksesshme e këtij transaksioni është në favor të Kosovës e besojë që të enjten Kuvendi do ta trajtoj në këtë formë......nënshkrimi i kontratës e ka datën e fundit 30 dhjetor dhe në rast se kjo nuk arrihet atëherë parimisht nuk mund të shtyhet afati më tutje, quhet thyerje e rregullave të përcaktuara”, ka thënë Ismajli.
Privatizimi i 75 për qind të aksioneve të PTK-së përmes Buxhetit, po mundohet të bëhet, pasi nuk ka arritur të kaloj raporti i Komisionit Qeveritar për Privatizimin e PTK-së, në Kuvend, ku pa miratimin nga deputetët, aksionet e PTK-së nuk mund të shitën. Tashmë disa herë është duke u shtyrë nënshkrimi i kontratës me kompaninë “Axos & Najafi Compani” e cila ishte shpallur fituese, meqë kishte ofruar 277 milion eurokthehet në fillim. Kështu, ka thënë Ministri i Zhvillimit Ekonomik Fadil ismaili dje në konferencën e fundvitit.
Janë betuar ish pjestarët e MUP-it
ish pjesëtarët e MUP-it, 16 sish, të cilët të cilët ditë më parë filluan trajnimin për inkuadrim në Policinë e Kosovë në Akademinë e Kosovës për Siguri Publike në Vushtrri, tashmë janë pajisur me kartela identifikuese të Policisë së Kosovës, me armë zyrtare dhe poashtu kanë bërë betimin si pjesëtarë të Policisë së Kosovës.
Informatën e ka konfirmuar për "Zëri" zëdhënësi i Policisë së Kosovës Baki Kelani. “Dje kanë qenë, janë pajisur me kartela identifikuese dhe janë pajisur me armë zyrtare dhe pas festës, pritet vazhdimi i pjesës së trajnimit edhe të gjuajtjeve me armë, që është njëra prej procedurave të pajisjeve me armë”, ka thënë Kelani.Sipas tij gjithçka ka shkuar në rregull, përmes respektimit të procedurave dhe gjithashtu kontratat e punës të këtyre policëve janë bërë siç e parashohin procedurat. Gjithashtu betimi dhe nënshkrimi i betimit është bërë siç e parashohin procedurat e Policisë së Kosovës.
Këta policë u trajnuan nga trajnues të EULEX-it pa përfshirjen e trajnuesve nga radhët e Policisë së Kosovës. /Zëri/
Tirana jep 100 mijë euro për komunën e Mitrovicës
Bashkia e Tiranës i është bashkuar nismës së Komunës së Mitrovicës “Ndihmo dhe Ti”, e cila ka për qëllim mbledhjen e fondeve për meremetimin e shtëpive të dëmtuara gjatë luftës në veri të Mitrovicës dhe kthimin në pronat e tyre, të të gjithë qytetarëve, pa dallim përkatësie etnike.
Kryebashkiaku Basha i ka akorduar 100 mijë euro komunës së Mitrovicës, për meremetimin e këtyre shtëpive. Kjo ndihmë e kryebashkiakut Basha është përshëndetur menjëherë nga ish-kryetari i komunës së Mitrovicës, Avni Kastrati, nëpërmjet një letre drejtuar kryebashkiakut të Tiranës.“Kam kënaqësinë e veçantë që nëpërmjet të kësaj letre të shpreh falënderimin më të thellë për kontributin tuaj në aksionin humanitar ‘Ndihmo edhe Ti’, për rindërtimin e shtëpive të djegura nga lufta në pjesën veriore të Kosovës. Ju jeni bërë pjesë e rikthimit të jetës së banorëve shqiptarë në pjesën e atdheut tonë, të cilët u ndoqën gjatë dhe pas luftës nga trojet e tyre stërgjyshore, nën dhunën e falangave serbe, për çka u jemi mirënjohës për jetë të jetëve”, thuhet në mesazhin e falënderimit, nga ish-kryetari i komunës së Mitrovicës, transmeton shekulli.
Tuesday, December 24, 2013
SUPER KRYETARET
Kryetari i porsazgjedhur i Mitrovicës Veriore, Kërstimir Pantic, nuk ndalet së sfiduari shtetin e Kosovës. Ai ka vendosur që betimin për kryetar të kësaj komune ta bëjë të martën (sot) sipas ligjeve të shtetit të Serbisë, e jo të Kosovës.
Pos kësaj Pantic deri tash ka shkelur një sërë ligjesh të Republikës së Kosovës, duke u nisur me vënien e fusnotës në kërkesën për betim, e cila i referohet rezolutës së Këshillit të Sigurimit të OKB-së, ka refuzuar Ministrinë e Administrimit të Pushtetit Lokal dhe ka vendosur imazhin e Car Llazarit në logon e Komunës së re, shkruan “Zëri”.Ndërsa, vetë Kërstimir Pantic, të hënën, ka folur për ftesat që janë dërguar për seancën solemne të Kuvendit, duke thënë se me marrëveshjen e Brukselit është precizuar se si duhet drejtuar Ministrinë e Administrimit dhe Pushtetit Lokal. “Ftesat i kam dërguar në gjuhën shqipe dhe në këtë mënyrë kam respektuar edhe shqiptarët”, ka thënë shkurt Pantic.
Edhe lideri i Iniciativës Qytetare “Srbija, Demokracia, Drejtësia”, Oliver Ivanovic, pranon se duhet të gjendet mënyra më e mirë se si të bashkëpunojnë Ministria dhe Komuna. “Ne jemi të vetëdijshëm që kemi dalë në zgjedhje në bazë të ligjeve të Kosovës dhe kjo është diçka që të kufizon më tutje. Prandaj mendoj që duhet të gjendet ndonjë mjet për bashkëpunim”, ka thënë Ivanovic.
Ndërsa, Avni Zogiani nga Organizata “Çohu” thotë se Qeveria e Kosovës nuk është në pozitë të ndërmarrë diçka ndaj Kërstimir Panticit.
“Hashim Thaçi e Edita Tahiri sikur edhe të gjitha planet e strategjitë e derisotshme, tani mund t’i shkruajnë në statutin e Bashkësisë së Komunave Serbe në akull dhe ta kthejnë prej diellit. Tani edhe Dacic më në fund e tregoi se takimet në Bruksel ishin një shou, dhe faktori numër një në hapësirat serbe ngelet Pantic, duke qenë se Qeveria e Kosovës i ka dhënë të gjitha dhe nuk ka asnjë mjet për të vepruar më”, thotë Zogiani.
Edhe analisti Fadil Lepaja thotë se sjellja e kryetarëve serbë është e papërgjegjshme, por njëkohësisht është rezultat dhe pasqyrë reale e raportit të forcave qoftë në relacionet ndërkombëtare, qoftë në relacionet ndërkosovare.
“Qeveria fatkeqësisht nuk ka shumë në dorë, ose nuk ka bërë shumë që ndikimi i saj të jetë më serioz”, thotë Lepaja. /Zëri/
<!-- Begin BidVertiser code -->
<SCRIPT LANGUAGE="JavaScript1.1" SRC="http://bdv.bidvertiser.com/BidVertiser.dbm?pid=577684%26bid=1444856" type="text/javascript"></SCRIPT>
<noscript><a href="http://www.bidvertiser.com/bdv/BidVertiser/bdv_publisher_toolbar_creator.dbm">custom toolbar</a></noscript>
<!-- End BidVertiser code -->
Monday, December 23, 2013
Subscribe to:
Posts (Atom)
