Të arrestuarit, megjithatë, nuk janë personat kryesorë të dyshuar për vrasjen e 31-vjeçarit Krasniqi, punëtorë skele me banim në zonën e Kentit.
Njëri prej të arrestuarve është 26 vjeç dhe dhe dy të tjerët janë 30-vjeçarë, por nuk dihet nëse janë shqiptarë ose jo.
Prej disa ditësh, policia britanike është vënë në kërkim të dy vëllezërve shqiptarë, Edmond dhe Albert Nelës, në lidhje me vrasjen e Krasniqit.
Vëllai i Krasniqit dhe nipi i tij, po ashtu janë qëlluar me armë zjarri, por kanë mundur t’i mbijetojnë sulmit, raporton TCH.
Detektivët kanë publikuar në median angleze fotot e të dyshuarve. Policia beson se vrasja mund të jetë e lidhur me një mosmarrëveshje mes dy familjeve.
Polica e “Sussex” i ka kërkuar ndihmë edhe Top-Channelit, si dhe tërë medias britanike, në apelin drejtuar shqiptarëve që jetojnë në Britani.
Policia ka botuar edhe njoftime të përkthyera në shqip, për shqiptarët e Britanisë. Duke iu adresuar komunitetit shqiptar, shefi i policisë së qytetit Brighton dhe Hove, Simon Nelson, tha se “ne e respektojmë faktin, që komuniteti shqiptar është krenar dhe i lidhur, duke kërkuar ndihmën e njëri-tjetrit në kohë të vështira”.
Por, policia angleze ka paralajmëruar, që publiku të mos u afrohet dy vëllezërve, që janë ende në kërkim. Ndërkohë që janë njoftuar të gjitha portet dhe pikat e kalimit kufitar, për të frenuar largimin nga Britania të dy vëllezërve të dyshuar për këtë vrasje. -->
0 comments:
Post a Comment