Përfaqësuesi i Lagjes së Boshnjakëve, Florent Azemi, në një
prononcim për Telegrafin ka deklaruar se shqiptarët në veri të
Mitrovicës tash 14 vjet janë duke jetuar në ankth të vazhdueshëm, nën
kërcënimin e strukturave ilegale që veprojnë atje, dhe në një gjendje
shumë të rëndë ekonomike. Ai shpreson se me arritjen e marrëveshjes në
Bruksel do të shuhen strukturat ilegale dhe do të fillojë funksionimi i
shtetit të Kosovës edhe në veri.
Krahas pasigurisë së vazhdueshme fizike për shqiptarët në veri të qytettit të ndarë, Azemi thotë se shqetësuese është gjendja ekonomike në veriun e Mitrovicës, duke shtuar se papunësia është shumë e madhe.
“Shqiptarët në veri janë lodhur me këtë gjendje dhe kanë nevojë që jeta e tyre të normalizohet. Gjendja e tanishme është e paqëndrueshme dhe e rëndë sepse të gjitha strukturat e shtetit të Serbisë janë në këtë pjesë të Kosovës. Ne banorët e veriut nuk po vuajmë politikisht, por institucionalisht, që do të thotë se kemi nevojë për institucionet tona”, tha Azemi.
Ai ka thënë se banorët shqiptarë në Mitrovicën e Veriut, duhet të jenë vigjilent, sepse sipas tij, në atë pjesë mbizotëron një anarki totale.
“Këtu veprojnë bandat kriminale prej me të ndryshmëve dhe çdo gjë është e mundshme, mirëpo shqiptarët nuk guxojnë të bien pre e provokimeve”, tha ai.
Azemi shpreson që me përfundimin e dialogut dhe arritjen e një marrëveshje në Bruksel në mes Prishtinës dhe Beogradit, do të shuhen të gjitha strukturat paralele.
“Besoj që më në fund këto struktura do të shuhen, e nëse nuk shuhen atëherë shteti i Kosovës do të duhej ta përdorte edhe forcën nëse ka nevojë, për ta rikthyer rendin, ligjin dhe kushtetutshmërinë në këtë pjesë të vendit”, tha Azemi.
Ai ka thënë se i beson kryeministrit dhe institucioneve të republikës së Kosovës, dhe beson që çdo marrëveshje e arritur në Bruksel nuk do ta dëmtojë popullatën shqiptare në atë pjesë.
Krahas pasigurisë së vazhdueshme fizike për shqiptarët në veri të qytettit të ndarë, Azemi thotë se shqetësuese është gjendja ekonomike në veriun e Mitrovicës, duke shtuar se papunësia është shumë e madhe.
“Shqiptarët në veri janë lodhur me këtë gjendje dhe kanë nevojë që jeta e tyre të normalizohet. Gjendja e tanishme është e paqëndrueshme dhe e rëndë sepse të gjitha strukturat e shtetit të Serbisë janë në këtë pjesë të Kosovës. Ne banorët e veriut nuk po vuajmë politikisht, por institucionalisht, që do të thotë se kemi nevojë për institucionet tona”, tha Azemi.
Ai ka thënë se banorët shqiptarë në Mitrovicën e Veriut, duhet të jenë vigjilent, sepse sipas tij, në atë pjesë mbizotëron një anarki totale.
“Këtu veprojnë bandat kriminale prej me të ndryshmëve dhe çdo gjë është e mundshme, mirëpo shqiptarët nuk guxojnë të bien pre e provokimeve”, tha ai.
Azemi shpreson që me përfundimin e dialogut dhe arritjen e një marrëveshje në Bruksel në mes Prishtinës dhe Beogradit, do të shuhen të gjitha strukturat paralele.
“Besoj që më në fund këto struktura do të shuhen, e nëse nuk shuhen atëherë shteti i Kosovës do të duhej ta përdorte edhe forcën nëse ka nevojë, për ta rikthyer rendin, ligjin dhe kushtetutshmërinë në këtë pjesë të vendit”, tha Azemi.
Ai ka thënë se i beson kryeministrit dhe institucioneve të republikës së Kosovës, dhe beson që çdo marrëveshje e arritur në Bruksel nuk do ta dëmtojë popullatën shqiptare në atë pjesë.
