Operativi i shërbimi amerikan të zbulimit, CIA, arrestohet në
Moskë, teksa "u përpoq ta rekrutojë një anëtar të shërbimeve sekrete
ruse”, raportojnë mediat ruse.
Siç raporton Russia Today,
shërbimet e kundërzbulimit e kanë arrestuar mbrëmë agjentin Ryan
Christofer Fogle, i cili në Moskë rrinte si diplomat karriere.
“Anëtarët e Shërbimit të Sigurimit Federal arrestuan një agjent
sekret të CIA-s, i cili ishte në funksionin e sekretarit të tretë të
sektorit politik të ambasadës amerikane në Moskë”, raporton Interfax.
Sipas raportimeve, Christopher me vete kishte një "pajisje të veçantë
teknike, udhëzues të shtypur për qytetarin rus, një shumë të madhe
parash dhe pajisje për maskim”.
“CIA ka ofruar një milion dollarë në vit, për anëtarin rus të
shërbimeve sekrete, të cilin Fogle donte ta rekrutonte”, pohon Russia
Today.
0 comments:
Post a Comment