Halla e Tupac, terroriste e shumëkërkuar

Joanne Chesimard

 Gruaja e parë në historinë e FBI-së, që vendoset midis 10 më të kërkuarve për terrorizëm, është halla e një prej reperëve më të famshëm të të gjitha kohërave, Tupac Shakur.

Joanne Chesimard, e akuzuar se ekzekutoi në stil mafioz një polic në shtetin e Nju Xhersit, është një anëtare e Ushtrisë për Lirinë e Njerëzve me Ngjyrë, një organizatë radikale racore, e futur në “listën e zezë” të organizatave terroriste.
Krimi i Chesimard ndodhi 40 vjet më parë, por ndërsa prej dekadash ajo është e shpallur në kërkim, këtë të premte u përfshi në listën e dhjetë më të kërkuarve nga FBI, për shkak të terrorizmit,transmeton koha.
”Ajo është absolutisht një rrezik për Shtetet e Bashkuara të Amerikës”, u shpreh në shtypin amerikan agjenti i FBI-së, Aron T.Ford.
Tupac Shakur u vra në moshën 25-vjeçare në një shkëmbim zjarri të ndodhur në shtator 1996, ndërsa gëzonte kulmin e suksesit në karrierën e tij muzikore.
Njerku i tij ishte vëllai i Chesimard. Halla e Tupac, aktualisht besohet se ndodhet e fshehur ne Kube, një shtet që nuk ka marrëveshje ekstradimi me SHBA-ne.