Ky është vetëm një tregues se sa dominues është Google. Robotë të tjera kërkimi si ai i Microsoft, Bing, janë mjaft mbrapa. Në Europë shifrat flasin qartë: rreth 90% e kërkimeve bëhen në Google. Nga ana tjetër Bing në Europë nuk arrin as shifrën 10% që e ka në tregun amerikan.
Por në biznes kjo duket se nuk është e ndershme dhe konkurrentët e Google e akuzojnë për dominimin e tregut, duke favorizuar produktet apo shërbimet e saj, si Google Maps apo YouTube. Një numër i madh prej tyre, duke përfshirë Microsoft, shërbime nga industria e udhëtimit dhe tregu i aplikacioneve, bënë një ankesë zyrtare pranë autoriteteve antitrust të BE në vitin 2010. Për të shmangur ndëshkimet antitrust, Google duket se do të bëjë disa lëshime.
Gjithçka është një sekret i madh
“Google na paraqiti një sërë propozimesh, por ato nuk duhen të bëhen publike”, thotë Antoine Colombani, zëdhënës i Komisionerit të Konkurrencës së Bashkimit Europian.
Ajo që dihet prej kohësh është se Google do të shfaqë më shumë links-e për shërbimet që ofrohen nga konkurrentët. Nëse propozimi i Google miratohet, atëherë përdoruesit e Internetit në mbarë botën do të kenë mundësi të shohin më shumë materiale. Por Google ka refuzuar të thotë se çfarë do të ndryshojë konkretisht.
Edhe ekspertë si Jo Bager, thotë se edhe ky propozim nuk bind.”Faktori më i rëndësishëm është nëse faqja online do të ketë mundësi të shfaqë shumë faqe të tjera. Nëse do të ndodhë një gjë e tillë, atëherë është mirë”, shpjegon Bager.
Google analizon faqet online se sa shpesh ato shfaqen në kërkime dhe sa vizitorë kanë. “Sigurisht ka shumë spekulime se cilat janë parametrat e tyre, por në fund të fundit ky është sekret i kompanisë”, shton Bager.
Por ka diçka. Kur kërkoni në Google, praktikisht ju nuk jeni duke kërkuar në Internet, por atë që gjendet në serverat e Google, shpjegon më tej ai.
0 comments:
Post a Comment