Kështu thuhet në raportin e fundit të FMN-së për muajin prill 2013 me titull: “Vlerësimi i stabilitetit të sistemit financiar”, duke shtuar më tej se mbikëqyrësit duhet të monitorojnë rritjen e kredisë dhe të forcojnë dispozitat në bankat më të rrezikuara, duke përfshirë edhe ekspozimet ndaj kompanisë mëmë kur është e nevojshme.
Në anën tjetër, sipas FMN-së, ka indikacione se depozituesit e mëdhenj përfaqësojnë një pjesë të konsiderueshme të totalit të depozitave në disa banka.
“BQK-ja duhet të miratojë një qasje të bazuar në rrezikun mbikëqyrës dhe të përfshijë mbikëqyrjen e operative dhe rreziqet e normave të interesit, të cilat lidhen me degët e bankave të huaja dhe marrëdhëniet e tyre me kompanitë mëmë”, thuhet mes tjerash në raport.
Sipas Fondit, Kosova është një ekonomi e hapur dhe e ekspozuar ndaj goditjeve të jashtme, prandaj, duhet të hartohet një kornizë, e cila do të përfshijë aspektet institucionale dhe operacionale. Sektori financiar i Kosovës, i cili dominohet nga bankat, është zgjeruar me shpejtësi që nga viti 2000.
Asetet e sistemit financiar si përqindje e GDP-së janë dyfishuar që nga vitit 2003, përkatësisht nga 33 për qind në 74 për qind në fund të qershorit 2012.
Raporti i FMN-së flet edhe për ekonominë e Kosovës në përgjithësi, e cila është prekur nga kriza globale financiare e viteve 2008/09, nëpërmjet dobësimit të kërkesës së sektorit privat si pasojë e rënies së transfereve të punëtorëve kosovarë jashtë vendit. “Rritja e GDP-së ra nga 6.9 për qind sa ishte në vitin 2008, në 2.9 për qind në vitin 2009”, bëhet e ditur në raport, shkruan Zëri.
Eksporti kosovar, sipas FMN-së, vazhdon të mbetet në një nivel të ulët, përkatësisht rreth 7 për qind e GDP-së, i përqendruar kryesisht në metalet bazë, përderisa importet vendore përfaqësojnë rreth 52 për qind të GDP-së.
-->
0 comments:
Post a Comment