Gazeta “Dushikuaibao” shkruan se policia kishte filluar të dyshojë kur kishte gjetur lodra dhe letër toaleti të gjakosur në dhomën e marrë me qira nga gruaja 22 vjeçare në në ndërtesë në lindje të Kinës, në të cilën ishte gjendur foshnja të shtunën.
Gruaja, emrin e së cilës mediat nuk e kanë publikuar, ka pranuar në polici për atë që kishte bërë tek pas ekzaminimit mjekësor që i është bërë.
Ajo i kishte thënë policisë se nuk kishte para për të kryer abort dhe se e kishte lindur foshnjën në fshehtësi të shtunën pasdite në banjo. Ajo ka thënë se ishte përpjekur ta kap foshnjën, por ajo kishte rënë në guacën e toaletit dhe ka rrëshqitur në gypin e kanalizimit. Kishte alarmuar pronaren e banesës tek atëherë kur nuk kishte mundur ta nxjerr foshnjën nga gypi, transmetojnë mediat kineze.
Video xhirimi i shpëtimit të foshnjës numër 59, të cilën e kanë pagëzuar kështu sipas numrit të inkubatorit në spitalin ku është vendosur, ishte transmetuar në lajmet dhe sajtet kineze të hënën në mbrëmje, kurse më vonë këto xhirimie kishin përshkuar tërë botën, duke shkaktuar njëkohësisht edhe rrënqethje dhe solidaritet me foshnjën e poraslindur.
Edhe pas pranimit të së ëmës ende nuk është e qartë nëse ajo me qëllim e kishte lëshuar foshnjën në gucë, meqë kishte thënë se ishte e dëshpruar dhe nuk dinte se çfarë të bënte, transmeton AP.
Mediat kineze transmetojnë se nëna e foshnjës ka kryer shkollën e mesme dhe punon në një restorant në qytetin Xhinhua. Ajo ka rrëfyer se kishte ngelur shtatzënë pasi kishte kaluar natën me një njeri, i cili më vonë nuk kishte dashur të marrë kurrëfarë përgjegjësie për foshnjën. Gruaja nuk kishte guxuar t’u tregonte prindërve se ishte shtatzënë dhe thotë se kishte dahsur që ta rris foshnjën, por nuk dinte se si ta bënte këtë.
Zjarrfikësit ishin ftuar në objektin banesor që të nxjerrin foshnjën e cila ishte ngujuar në gypin e kanalizmit menjëher nën guacë në njërën nga banjot publike të ndërtesës.
Foshnja që peshonte 2,8 kilogram kishte puls të dobët dhe pak gërvishtje. Placenta ende ishte e ngjitur për të.
Lajmi për këtë rast ka shkaktuar ndjenjë tmerri dhe dhembjeje tek njerëzit, sepse dyshohej që prindërit e kishin hedhur foshnjën në toalet. Shumë njerëz kanë shkuar në spital dhe i kanë dërguar foshnjës pelena , rroba dhe qumësht, kurse disa janë ofruar që të adoptojnë foshnjën.
“Dushikuaibao” shkruan se nëna kishte qenë e pranishme gjatë tërë operacionit të shpëtimit të foshnjës dhe kishte shprehur shqetësim për fatin e foshnjës, por fillimisht nuk ishte e dyshimtë për policinë.
Policia kineze fillimisht kishte thënë se rasti po hetohej si tentim i vrasjes, por nuk është e qartë nëse ndaj nënës së foshnjës do të ngritet padi.
Pronarja e ndërtesës, në të cilën është gjetur foshnja, thotë se nuk janë gjetur gjurmë të lindjes së foshnjës në banjo dhe se nuk e ka ditur nëse ndonjëra nga qiramarrëset e saj kanë qenë shtatzënë. E ëma e foshnjës i ka thënë policisë se e kishte pastruar banjon pas lindjes dhe se e kishte fshehur shtatzëninë duke veshur rroba të gjera dhe duke lidhur barkun.
Shtatzënitë e padëshiruara në Kinë janë në rritje në mungesë të edukatës seksuale dhe qasjes gjithnjë e më liberale ndaj seksit. Të rinjtë shpesh praktikojnë seks pa mjete mbrojtëse kurse abprtet janë gjithnjë e më të shpeshta. -->
0 comments:
Post a Comment