Italianët nuk e duan ‘Gangnamstyle’

Vërshëllehet në “Olimpico”

Psy mund t’i pëlqejë fëmijëve dhe adoleshentëve, por me siguri që nuk i pëlqen aspak tifozëve të Romës dhe Lacios.
Reperi korean arriti që dy nga tifozeritë më të zjarrta në planet të binin dakord me njëra-tjetrën për here të parë dhe ta vërshëllenin atë njëkohësisht.
Kur po këndonte para ndeshjes finale të Kupës së Italisë mes Lacios dhe Romës në stadiumin Olimpico, tifozët e të dyja skuadrave kanë nisur të vërshëllejnë dhe volumi i muzikës është ngritur në maksimum për të “mbytur” kontestimet.
Pas performancës që nuk i pëlqeu aspak publikut të kryeqytetit italian, Psy tha “E dua Italinë!” dhe “Faleminderit” para se të largohej me turp nga skena.