Adios Amigos: Gjermanët tallen me spanjollët (Video)

Liga e Kampionëve

Gjermanët kanë gjetur kohë të tallen me spanjollët, me të cilët po përballen në gjysmëfinale të Ligës së Kampionëve.
Shikuesit e Sky Sportit gjerman kanë mundur të argëtohen me reklamën e re, kushtuar sukseseve të klubeve nga ky vend në ballafaqim me rivalët spanjollë.
Në një spot publicitar, njëri nga toreadorët hyn në arenë, ku atë e pret përballja me demin. Edhe pse lufta nuk shfaqet në reklamë, dy flamuj shihen në të pasmet e toreadorit, një i Borussia Dortmundit dhe një i Bayernit të Munihut.
Shikuesit e Sky Sportit gjerman kanë mundur të argëtohen me reklamën e re, kushtuar sukseseve të klubeve nga ky vend në ballafaqim me rivalët spanjoll në Ligën e Kampionëve.
Në spot, njëri nga toreadorët hyn në arenë, ku atë e pret përballja me demin. Edhe pse lufta nuk shfaqet në reklamë, dy flamur shihen në të pasmet e toreadorit, një i Borussia Dortmundit dhe një i Bayernit të Munihut.
Borussia është mposhtur nga Reali me rezultat 2:0, por pas fitores prej 4:1 në Dortmund ka siguruar kalimin në finale, derisa Bayerni sonte do të përpiqet ta ruaj epërsinë nga ndeshja e parë kundër Barcelonës (4:0). 

Read More

Borussia në finalen e Champions (FOTO-VIDEO)

Borussia Dortmundi tashmë është konfirmuar si finalisti i parë i këtij sezoni në Ligën e Kampionëve pasi arriti të eliminojë Real Madridin me rezultat të përgjithshëm 4-3.

Në përballjen e parë e zhvilluar në Gjermani në Signal Iduna Park Borussia Dortmund fitoi me rezultat 4-1 ndërsa sonte në Santiago Bernabeu Reali fitoi me 2-0, rezultat ky i pamjaftueshëm për t'u kualifikuar.

Sulmuesit e ekipit gjerman edhe sonte u treguan të rrezikshëm, të shpejtë dhe bashkëpunues, ndërkohë që mbrojtja me lojtarë shtatgjatë ia doli që deri në minutën 83 të stopojë me kohë sulmuesit madrilen.

Pos minutave të fillimit të ndeshjes kur Reali u vërsul fuqishëm në drejtim të portës së gjermanëve, në vazhdim të pjesës së parë lojtarët e Borussias arritën ta balancojnë lojën, të baraspeshojnë forcat, madje në disa raste jo të pakta ka rrezikuar seriozisht portën e Realit.

Deri në minutën 83 të pjesës së dytë kur Mesut Ozil shënoi golin e avantazhit për Realin, nuk u vërejtën shumë as ndërrimet e bëra nga Mourinho në pjesën e dytë. Pas minutës së 83, gjithçka ndryshoi në favor të Realit. Futja e Kakas dhe Benzemas për të ringjallur lojën e Realit nisi të jap rezultate. Reali u bë shumë i rrezikshëm. Filloi të sulmoi furishëm dhe nuk vonoi erdhi goli i dytë. Ramos shënoi për 2:0 për Mbretërit, të cilëve tashmë iu shtuan ambiciet. Por dy gola nuk mjaftuan përmbysjen e rezultatit të arritur në Dortmund. Borussia është finalisti i parë i Ligës së Kampionëve.

西班牙再 footyroom.com by footyroom

Read More

Si ta shëroni një zemër të thyer?

Ka shumë mënyra të ndryshme për ta shëruar një zemër të thyer, por tejkalimi i saj është shumë i vështirë. Ja disa nga këshillat që duhet t’i ndiqni në këtë aspekt.


Mos e shmangni temën!
Kur jeni në kërkim të gjetjes së rrugëve për ta shëruar një zemër të thyer, hapi i parë është të mësoheni të mos i ikni temës. Mos u mundoni ta refuzoni pranimin se diçka e tillë ka ndodhur dhe e tejkaloni dhimbjen, duke menduar për çdo gjë që ka ndodhur.
Mos gjeni zëvendësim!
Mos e zëvendësoni menjëherë partnerin që u ka zemëruar kaq shumë duke u ndarë me ju, me një tjetër person. Kjo do të ju bëjë të ndiheni shumë më keq, dhe në fakt edhe ajo lidhje do të përfundonte shumë shpejt. Askush nuk mund të vazhdojë atë që ish i dashuri juaj e ka lënë në gjysmë.
Meditoni!
Një nga mënyrat më të mira për ta tejkaluar këtë gjendje është nëpërmjet meditimit. Ju duhet të përballeni me mundësinë e bisedimit me të tjerët në lidhje me këtë çështje. Meditimi mund të ju bëjë të mendoni më qartë për çdo gjë.
Qeshni!
Mundohuni ta jetoni jetën në një fazë të re tashmë, duke e tejkaluar çdo negativitet brenda jush. Kur të ndiheni sikur doni të qani, shfrytëzojeni kohën dhe largoni ato ndjenja duke qarë, por në të njëjtën kohë dilni sa më shumë kënaquni me jetën, dhe do të kuptoni se keni edhe shumë gjëra të tjera pozitive para jush.

Read More

Ministria serbe e Arsimit e njeh Kosovën

Ministria e Arsimit në Serbia në promovimin e një projekti, ka përdorur harta në të cilën Kosova figuron e ndarë nga Serbia.
Gjatë promovimit të një projekti për ndërtimin e nanoqendrës teknologjike në Beograd, nga ana e ministrit serb të Arsimit, Zarko Obradovic, para shumë mysafirëve të ftuar në Akademinë Serbe të Shkencës dhe Arteve, janë radhitur slajde me harta, në të cilat Serbia është prezantuar pa Kosovën, transmeton “Alo”.
Prezantimin e ka bërë ndihmësi i ministrit të Arsimit, Radomir Zikic, e ka arsyetuar këtë duke thënë se në prezantimin grafik është përdorur harta e një pjese të Evropës e marrë nga publikime ndërkombëtare.
“Harta e prezantuar nuk paraqet qëndrimin e politikës tonë shtetërore apo të Minsitrisë së Arsimit dhe Shkencës, lidhur me kufijtë e shteteve të rajonit”, ka thënë Zikic. -->

Read More

Nëntëvjeçari xhiro me Ferrari (Video)

Një biznesmen indian është arrestuar për faktin se i lejoi të birit nëntëvjeçar që të bënte xhiro në rrugë me Ferrarin e tij – njofton Times of India.Babai i fëmijës, Mohammed Nisham, akuzohet se ka vënë në rrezik jetën e të birit dhe se ka lejuar një të mitur pa patentë që të drejtojë një makinë sportive.
Siç transmeton Top-Channel, Ferrari është sekuestruar. Policia ndërhyri pas një videoje të lansuar në YouTube, në të cilën shfaqet fëmija që drejton ‘kokëkuqen’ me një shokun e tij në rrugët e një lagjeje të banuar.
Prindi i kishte dhënë atij çelësat e Ferrarit si dhuratë për ditëlindjen dhe kishte xhiruar me krenari skenën rreth dy javë më parë.
Videoja u kthye në pak kohë në një atraksion në internet, mirëpo ka tërhequr edhe vëmendjen e autoriteteve lokale, që ndërhynë duke i vënë prangat babait të fëmijës.
Mohammed Nisham është pronar i ndërmarrjeve të shumta të duhanit dhe ndërtimit në jug të Indisë, si dhe është një koleksionist që ka në pronësi 18 makina super-luksoze.
Nëna i ka dalë në mbrojtje me krenari të birit, duke i thënë policisë: “Ai ka mësuar t’i japë makinës që pesë vjeç. Ka bërë xhiro me Lamborghini dhe Bentley. Është shumë i zoti por edhe i kujdesshëm”.

Read More

Pas 44 vitesh, në Vietnam gjendet ushtari amerikan (Video)

John Hartli Robertson, është një nga 60.000 emrat e gravuar në Përmendoren e Veteranëve të Vietnamit, në Washington, të cilën bashkëshortja dhe dy fëmijët e tij shumë herë e kanë vizituar. Por, çka nëse Robertson nuk është vrarë në misionin e fshehtë special në Laos më 1968, siç theksohet në dokumentacionin zyrtar ushtarak, por të jetë sot e kësaj dite gjallë dhe shëndosh e mirë.    

Read More

Serbia – dëmshpërblim për 5 shqiptarë

Fondi për të Drejtën Humanitare në Serbi ka bërë të ditur se Gjykata e Apelit në Beograd ka konfirmuar aktgjykimin, në bazë të të cilit shteti i Serbisë duhet t’iu paguajë pesë shqiptarëve të Kosovës dëmshpërblim në vlerë prej 1.3 milion dinarësh serbë. Sipas Fondit, dëmshpërblimet kanë të bëjnë me torturën që personat në fjalë kanë përjetuar gjatë paraburgimit të paligjshëm më 1999 dhe 2000.
Siç transmetojnë mediat serbe, shteti i Serbisë duhet t’i paguajë dëmshpërblim Tahir Bytyçit, Smail Gashit, Rrahman Elshanit, Hysni Podrimçakut dhe Bekim Istogut, për shkak të përgjegjësisë për torturën që ndaj tyre kanë kryer pjesëtarët e MUP-it serb.
Fondi ka thënë se ky është një ndër vendimet e rralla, me të cilat viktimave të forcave serbe të sigurisë u njihet e drejta për dëmshpërblim, porse “shuma e kompensimeve individuale prej 200,000, përkatësisht 300,000 dinarësh, nuk i kontrbuon vendosjes së drejtësisë për krimet e kryera gjatë viteve ‘90”.
Bytyçi, Gashi dhe Elshani kanë qenë të burgosur në Pozharevc, ndërsa Podrimçaku dhe Istogu në Mitrovicën e Sremit.

Read More