Koncerti në pompën e benzinës (Video)

Ju ka ndodhur që gjatë mbushjes së automjetit me benzinë të shihni monitorë me reklama, por nuk ju ka ndodhur që dikush nga ato monitorë t’ju drejtohet juve.Një çifti në SHBA i ka ndodhur diçka e pazakontë dhe në këtë mënyrë janë bërë pjesë e emisionit të Jay Lenos.
Shakanë e ka pranuar mirë burri, i cili në bisedë e sipër me një prezantues, ka pranuar ta këndojë këngën e grupit “Bon Jovi”, “Livin’ on a Prayer”.
Më pas edhe partnerja e tij, e cila qeshte në automjet, ka dalë dhe ka filluar të këndojë këngën e “Eurythmics”, “Sweet Dreams”.
Talenti i çiftit në këndim ka tërhequr vëmendje të madhe, ndërsa për tri ditë në YouTube është shikuar mbi katër milionë herë.