“Stjuardesa: Ju të gjithë do të vdisni” (Video)

Një reklamë kontroverse për një pije shfaq një stjuardesë duke folur me vete se të gjithë pasagjerët në aeroplan do të vdesin.
Reklama për Zenonade që është lansuar në YouTube është bërë për tregun çek, por është në anglisht.
Në video shihet stjuardesa duke kompletuar instruksionet e sigurisë para fluturimit. Duke iu drejtuar pasagjerëve ajo flet më vete: “Unë do të jem e para që do të largohem nga ky aeroplan, ndërsa ju të gjithë do të vdisni”.
Dhe derisa kamera shfaq udhëtarët, ajo vazhdon: “I vdekur. I vdekur. I vdekur”, pastaj drejton gishtin kah vetja dhe thotë: “Gjallë”.
Shefi ekzekutiv i kompanisë që e ka bërë reklamën, Martin Lochmann, ka thënë për The Huffington Post se deri më tani nuk kanë marrë shumë kritika.
“Kam pritur që të jetë më keq. (Reklama) nuk ka pasur qëllim serioz”, ka deklaruar ai. -->